Іссапардың екінші күні

Іссапардың екінші күнінде ҚР Оқу-ағарту министрлігінің Ұлттық ғылыми-практикалық дене тәрбиесі орталығының академиялық мәселелер жөніндегі бас директордың орынбасары Н. А. Дрейт Шығыс Қазақстан облысы білім басқармасының «Дарын» дарындылықты және қосымша білім беруді дамытудың Шығыс Қазақстан ғылыми-әдістемелік орталығының жұмысымен танысты.

Кездесу барысында орталықтың әдіскерлерімен өңір мектептері оқушылары арасында бұқаралық спортты дамытуға қатысты өзекті мәселелер қарастырылды. Сонымен қатар, облыс аумағында облыстық және республикалық деңгейдегі спорттық жарыстарды өткізу мүмкіндіктері талқыланды. Мектеп спортының әлеуетін кеңейту,  білім беру ұйымдары мен спорттық мекемелер арасындағы өзара ынтымақтастықты нығайту мәселелеріне ерекше назар аударылды.

Жұмыс барысында Н. А. Дрейт Алтай ауданына қарасты Серебрянск қаласының мектептеріндегі дене шынықтыру сабақтарына қатысты.

Іссапар қорытындысы бойынша оқу үдерісін жетілдіру және өңірдегі мектептер мен спорт ұйымдары арасындағы өзара әрекеттестікті дамыту бағытында әдістемелік ұсыныстар берілді.