Бірыңғай педагогикалық кеңестер: 2025-2026 оқу жылына арналған негізгі шешімдер мен басымдықтар

2025 жылғы 26-29 тамыз аралығында Шығыс Қазақстан облысының барлық мектептерінде бірыңғай педагогикалық кеңестер өтті.
    
Педагогикалық кеңестерді өткізудің негізгі мақсаты - мемлекеттік білім беру саясатын іске асыруға бірыңғай көзқарасты қамтамасыз ету, сондай-ақ педагогикалық ұжымдар қызметінің 2025-2026 оқу жылына арналған негізгі міндеттерін айқындау.
    
Ұлан және Глубокое аудандарының 70 мектебінің, сондай-ақ облыстық білім беру ұйымдарының педагогикалық кеңестерінің жұмысына ШҚО білім басқармасының «Orken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығының әдіскерлері қатысты.

Отырыс басында педагогтер білім беру қызметкерлері Қазақстан Республикасы Президентінің республикалық тамыз конференциясында сөйлеген бейнематериалымен танысты. Талқылау барысында білім беру процесіне «Адал азамат» бірыңғай тәрбие бағдарламасын енгізу, «Жасанды интеллект» технологияларын қолдану, сондай-ақ 2025-2026 оқу жылдарына арналған нұсқаулық-әдістемелік хатқа сәйкес жаңа оқу жылындағы білім беру ұйымдары жұмысының басым бағыттары, мәселелері қаралды. Педагогикалық кеңестер барысында мектептердің даму жоспарлары, оқу жұмыс жоспарлары бекітілді, педагогтердің оқу жүктемесі бөлінді және сабақ кестелері бекітілді. 

Отырыстардың нәтижелері бойынша тиісті шешімдер қабылданды және білім беру процесін ұйымдастырудың тиімділігін арттыруға бағытталған әдістемелік ұсынымдар әзірленді.