«1, 2-сыныпта шахматты оқыту әдістемесі» тақырыбындағы оқыту курсы

«Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы «Қазақстан Шахмат Федерациясы» республикалық қоғамдық бірлестігімен серіктесіп 2025 жылдың тамыз айында «1, 2-сыныптарда шахматты оқыту әдістемесі» тақырыбында офлайн форматта біліктілікті арттыру курсын өткізді.
Қазақстан Республикасында шахматты дамытудың 2023-2027 жылдарға арналған Кешенді жоспарын жүзеге асыру барысында ұйымдастырылған курсқа облыстағы білім беру ұйымдарының бастауыш сынып педагогтері қатысты. Мұғалімдер курс басында кіру тестін тапсырып, арнайы бағдарламамен, дайын оқулықпен, дәптермен жұмыстар жүргізіп, шахмат есептерін шығарып, шахматты үйретудің әдістемесімен танысты.
Үлкен Нарын және Катонқарағай аудандарының педагогтері үшін курс Катонқарағай ауданы С. Ластаев атындағы орта мектепте, қалған ауданның педагогтері үшін Өскемен қаласындағы А.Байтұрсынов атындағы №20 орта мектеп базасында өтті.
Шара соңында қатысушылар кері байланыс беріп, оқыту курстарының тиімділігін ерекше атап өтіп, ұйымдастырушыларға алғыстарын білдірді