Шығыс Қазақстан облысының білім беру жүйесі: жаңа оқу жылына дайындық

Тамыз айы – жаңа оқу жылының тынысын сезінетін, бағыт-бағдарымызды айқындайтын ерекше кезең.

 

2025 жылғы тамыз конференциясында Шығыс Қазақстан облысының білім беру жүйесінің даму перспективалары таныстырылды.

 

📌 Мектепке дейінгі білім беру

•Облыста 212 балабақша мен 176 шағын орталық жұмыс істейді.

•Балаларды қамту деңгейі – 99,2%.

•Дегенмен, кезекте 2,6 мың бала тұр. Бұл мәселені шешу үшін биыл 1 500-ге жуық жаңа орын ашылады.

•Педагогтердің біліктілігін арттыру жалғасуда, жыл соңына дейін жаңа құзыреттілік орталықтары іске қосылады.

 

📌 Орта білім

•2025–2026 оқу жылында 347 мектепте 99 мыңнан астам оқушы білім алады, оның ішінде 9 729 – бірінші сынып оқушылары.

•Білім сапасы 70,1%-ға жетті (+2,2% өсім).

•Оқушылардың олимпиадалық және халықаралық жетістіктері артуда.

•Дегенмен, өңірде 104 мұғалім жетіспейді. Бұл мәселені «Мобильді және Цифрлық мұғалім» жобалары арқылы шешу көзделген.

 

📌 Әлеуметтік қолдау

•Фонд «Всеобуч» – 7,1 млрд теңге.

•20 мыңнан астам бала мектеп формасымен қамтылды, тегін ыстық тамақпен 49 мың оқушы қамтамасыз етілуде.

 

📌 Инфрақұрылым

•2025 жылы 92 мектеп жөндеуден өтуде.

•2026 жылға дейін 3 жаңа мектеп салу және 50 мектепті жаңғырту жоспарланған.

•40 жаңа пәндік кабинет сатып алынады.

 

📌 Техникалық және кәсіптік білім

•38 колледжде 19 мыңнан астам студент оқиды.

•Мемлекеттік тапсырыс 7%-ға артты.

•Колледждер мен кәсіпорындар арасындағы серіктестік нығайып, 5 мыңнан астам студент дуальды оқыту жүйесінде білім алуда.

 

📌 Тәрбие және қосымша білім беру

•Жаңа оқу жылынан бастап «Адал азамат» бағдарламасы енгізіледі.

•Балалардың 94%-ы қосымша біліммен қамтылған.

•Комьюнити-орталықтар саны 60-қа жеткізіледі.