Жас көшбасшылардың жазғы мектебінің ауысымы ашылды!

Абай атындағы Шығыс Қазақстан гуманитарлық колледжінің оқу-өндірістік базасында жас көшбасшыларға арналған жазғы мектеп жұмысын бастады. Лагерь Бұқтырма су қоймасының жағасында, Үлкен Нарын ауданында, Свинчатка ауылының маңында орналасқан.

Мектептің басты мақсаты - студенттер үшін қызықты және пайдалы бос уақытты ұйымдастыру ғана емес, сонымен қатар олардың таланттарын анықтау, сондай-ақ әртүрлі бағыттарда көшбасшылық қабілеттерін дамыту.

Бірнеше күн бойы қатысушыларды қызықты іс-шаралар күтеді: танысу кеші, алау маңындағы гитарамен ән салу, дискотекалар, спорттық жарыстар, суға шомылу, Нептун күні, қызықты квесттер, «Таза жағалау» экологиялық акциясына қатысу, «Өткеннен бүгінге саяхат» танымдық EthnoQuest, плакаттар байқауы және т. б.

Студенттер «Менің болашақ мамандығым» тақырыбына арналған қызықты пікірталастар мен квест-ойындарға қатысады, бұл әсіресе Жұмысшы мамандықтар жылы өзекті тақырыпқа айналды. Жазғы лагерь болашақ мамандарға мансап жолы туралы ойлауға да тамаша алаң болады.

Лагерьде жайлы және қауіпсіз демалыс үшін барлық жағдайлар жасалған: күзет қойылған, бейнебақылау жүргізіледі, медициналық қызмет қамтамасыз етіледі.

Жазғы мектепте бағдарламаларды колледждің тәжірибелі және білікті педагогтері жүргізеді.

Студенттерге қызықты және пайдалы демалыс тілейміз.