2026 жылғы 24–25 қаңтар күндері Шығыс Қазақстан облысының жас өнертапқыштары мен инженерлері арасында дронрейсинг және авиамоделдеу бойынша «AITU KazRoboDrone 3.0» халықаралық байқауының облыстық кезеңі өтті.

Дронрейсинг және авиамоделдеу бағыттары бойынша өткен өңірлік іріктеу қорытындысында Алтай қаласындағы №7 орта мектеп КММ оқушылары теориялық және практикалық дайындықтарының жоғары деңгейін, техникалық сауаттылығын және заманауи технологияларды сенімді меңгергенін көрсете отырып, төмендегідей жүлделі орындарға ие болды:

🥇 Цыгановский Егор Евгеньевич — I орын;
🥇 Антонова Ангелина — I орын;
🥇 Макаров Кирилл — I орын;
🥈 Пашкина Екатерина — II орын.

Облыстық кезеңдегі табысты өнер көрсету қатысушыларға байқаудың финалдық кезеңіне жолдама берді. Финал Астана қаласында, Astana IT University базасында өтеді. Алда — шешуші кезең, онда құнды сыйлықтар мен ақшалай сертификаттар сарапқа салынады. Байқаудың жалпы жүлде қоры 2 000 000 теңгені құрайды.

Жеңімпаздар мен жүлдегерлерді шын жүректен құттықтаймыз!
Финалда сәттілік, батыл идеялар мен жоғары нәтижелер тілейміз! 🚀