Aуыл шаруашылығы санағы

Aуыл шаруашылығы санағы

Қазақстанда 2025 жылы Ұлттық ауыл шаруашылығы санағы өтеді. Санақ 1 тамыз бен 20 қазан аралығында жүргізіледі және заңды тұлғаларды да, кәсіпкерлерді де, ауыл шаруашылығымен айналысатын үй шаруашылықтарын да қамтиды.

Санақтың мақсаты – тиімді аграрлық саясатты әзірлеу және азық-түлік қауіпсіздігін қамтамасыз ету мақсатында еліміздің аграрлық секторының жай-күйі туралы өзекті деректерді жинау.

Санақ екі кезеңде өткізіледі:

  1. Онлайн- сауалнама (1тамыз -31 тамыз):

Азаматтар санаq.gov.kz сайтында санақ парақтарын өз еркімен толтыра алады.

  1. Офлайн- сауалнама (20 қыркүйек - 20 қазан):

Сұхбат берушілер онлайн сауалнамадан өтпеген үй шаруашылықтарына барады.

Санаққа мына тұлғалар қатысады:

Заңды тұлғалар, олардың құрылымдық бөлімшелері, жеке кәсіпкерлер, оның ішінде шаруа және фермер қожалықтары.

Ауыл шаруашылығымен айналысатын, оның ішінде бақшасы, құс және мал шаруашылығымен айналысатын үй шаруашылықтары.

Санақ деректері: тиімді ауыл шаруашылығы саясатын әзірлеу, ауыл шаруашылығы тауарын өндірушілерді қолдау, азық-түлік қауіпсіздігін қамтамасыз ету, одан әрі зерттеулер жүргізу үшін мәліметтер базасын құру және тізілімді жаңарту, қазақстандық статистиканы халықаралық стандарттармен салыстыру үшін пайдаланылады.