27 наурызда Чапаево ауылдық округінде аудан әкімі Ренат Курмамбаевтың төрағалығымен Алтай ауданы әкімдігінің көшпелі отырысы өтті.

Шара алдында аудан әкімі мен әкімдік мүшелері ауылдық округтегі бірнеше ауыл шаруашылығы және әлеуметтік нысандармен танысты, олар: Алтын Сай ауылындағы «Шығыс» тауарлы-сүт фермасы, басшысы – Ержан Бухотанов; Снегирево ауылындағы «Восток» шаруа қожалығының бал өндіру цехы мен қонақ үйі, жетекшісі – Сергей Ерышев. Сондай-ақ Чапаево ауылындағы ауылшаруашылық техникумының жұмысымен танысты, Михаил Снегирев басқаратын «АгроДэн» май цехында болып қайтты.
Ауданның шаруа қожалықтары және сүт фермаларымен танысу мақсатында әкімдіктің осындай көшпелі отырыстарын тұрақты түрде өткізу жоспарлануда.