«Алтай ауданының ауыл шаруашылығы, жер қатынастары және кәсіпкерлік бөлімі» мемлекеттік мекемесімен ұсынылған материалдарды қарап, Қазақстан Республикасы Жер кодексінің 17-бабының 2) тармақшасына, 81-бабы 2-тармағының 2) тармақшасына, 84-бабы 2-тармағының 4) тармақшасына, 85-бабына, «Мемлекеттік мүлік туралы» Қазақстан Республикасы Заңының 18 - бабының 20) тармақшасына, 6-тарауына сәйкес, «Алтай ауданының жергілікті атқарушы органына мемлекет мұқтажы үшін жер телімдерін алып қою мәселесі бойынша ұсыныстар енгізу туралы» Жаңа Бұқтырма кенті әкімінің 2023 жылғы 30 қаңтардағы №30 өкімі негізінде, Бұқтырма су қоймасының (Жаңа Бұқтырма кенті) жағалауында туризмді дамыту бағдарламасына сәйкес Жаңа Бұқтырма кентінің (муниципалдық (қоғамдық) жағажайы, орман-саябақ демалыс аймақтары) ортақ пайдалану орындарын салу және абаттандыру жөніндегі жобаны жүзеге асыру мақсатында, Алтай ауданының әкімдігі ҚАУЛЫ ЕТЕДІ:
- Қоса берілген тізбеге сәйкес мемлекет мұқтажы үшін алып қоюға байланысты жер телімдерін мәжбүрлеп иеліктен шығаруды бастасын.
Мемлекет мұқтажы үшін мәжбүрлеп алып қоюға байланысты жер телімдерін мәжбүрлеп иеліктен шығару күні – 2023 жылдың 2 мамыры.
- «Алтай ауданының ауыл шаруашылығы, жер қатынастары және кәсіпкерлік бөлімі» мемлекеттік мекемесі меншік иелеріне осы қаулы жарияланғаннан кейін күнтізбелік 3 (үш) күннен кешіктірмей жер телімдерін мәжбүрлеп иеліктен шығару туралы хабарлама жіберсін және заңды талап ретінде оны мемлекеттік тіркеуден өткізсін.
- Келісу рәсімдерін жүзеге асыру үшін меншік иелері Шығыс Қазақстан облысы, Алтай ауданы, Панфилов көшесі, 7, «Алтай ауданының ауыл шаруашылығы, жер қатынастары және кәсіпкерлік бөлімі» мемлекеттік мекемесіне жүгінуге құқылы.
- «Алтай ауданының ауыл шаруашылығы, жер қатынастары және кәсіпкерлік бөлімі» және «Алтай ауданының Жаңа Бұқтырма кенті әкімінің аппараты» мемлекеттік мекемелері заңнамада белгіленген тәртіппен осы қаулыдан туындайтын өзге де шараларды қабылдасын.
- «Алтай ауданының экономика және бюджеттік жоспарлау бөлімі» мемлекеттік мекемесі мемлекет мұқтажы үшін алып қоюға байланысты жер телімдерін мәжбүрлеп иеліктен шығаруға бюджеттен қаражат қарастырсын.
- «Алтай ауданы әкімінің аппараты» мемлекеттік мекемесі осы қаулыны қабылданған күннен бастап 3 (үш) жұмыс күні ішінде бұқаралық ақпарат құралдарында жарияласын.
Алтай ауданының әкімі Е. Мустафин