Алтай ауданы әкімінің орынбасары Ж.Аскарова Zoom режимінде оқу орындарының директорларымен кеңес өткізді. Күн тәртібінде: «Президент Қ.Ж. Тоқаевтың «Халық бірлігі және жүйелі реформалар - елдің өркендеуінің берік негізі» атты Қазақстан халқына Жолдауында баяндалған міндеттерді іске асыру барысы туралы» мәселе қаралды. - Біз Мемлекет басшысы Қ. - Ж. Тоқаевтың 1 қыркүйекте айтқан кезекті Жолдауын зор ықыласпен тыңдадық, - деді Ж. Асқарова. - Мемлекет басшысы өз Жолдауында еліміздің одан әрі әлеуметтік-экономикалық дамуының негізгі басымдықтарын белгіледі. Президент қойған міндеттер қоғам сұранысына және заманауи сын-тегеуріндерге негізделген. Оларды жүзеге асыру экономиканың орнықтылығы мен бәсекеге қабілеттілігін одан әрі арттырудың, халықтың әл-ауқатының өсуі мен тұрмыс сапасын жақсартудың факторына айналады. Кеңесте Мемлекет басшысы қойған міндеттер білім беру сипатындағы проблемаларды шешуге шабыттандырады және бағыттайды деп атап көрсетілді. Ең бастысы, білім тек маманды ғана емес, жеке тұлғаны да қалыптастыруы керек деп айтылады. Лайықты білім мектептен басталады. Сапа, кәсібилік, білім беру ресурстарына тең қолжетімділік, педагогтардың жауапкершілігі – осының бәрі мемлекет пен қоғамның дамуы мен гүлденуіне ықпал ететін инклюзивті білім беру болып табылады. Кеңеске қатысушылар Жолдауды талқылауға белсенді қатысты.