БАЛЫҚ АУЛАУ ҚАЙҒЫҒА ҰЛАСПАСЫН!

Алтай ауданының құтқарушылары профилактикалық рейдтер өткізуді жалғастыруда және балықшыларды қарапайым қауіпсіздік ережелерін сақтауға шақырады: қолайсыз ауа райында су айдынына шықпау, жарамды қайықтарды пайдалану және әрдайым құтқару кеудешесін кию қажет.
Күзгі су айдынында ерекше сақтық қажет. Суық түсе бастаған кезде ауа райы жағдайлары болжамсыз бола түседі, ал қарапайым қауіпсіздік ережелерін сақтамау қайғылы жағдайларға әкелуі мүмкін. Мәселен, 2025 жылғы қазан айында Бұқтырма өзенінде жүзу кезінде 2 адам суға батып кеткен.
Алтай ауданының Төтенше жағдайлар басқармасы ескертеді:
- су айдынына шығар алдында ауа райы болжамымен және қолайсыз ауа райы жағдайлары туралы ескертулермен танысу;
- әсіресе шалғай және адам аз баратын учаскелерге балық аулауға жалғыз бармау;
- туыстарыңызға немесе жақындарыңызға балық аулайтын жеріңізді және қайту уақытыңызды хабарлау;
- жарамды қайықты пайдалану және міндетті түрде құтқару кеудешесін кию;
- қайыққа шамадан тыс жүк тиемеу және қозғалыс кезінде қайық ішінде тұрып жүрмеу;
- су өткізбейтін қаптамада қуаты жеткілікті ұялы телефон алып жүру;
- көріну мүмкіндігі төмен жағдайларда балық аулау кезінде қолшам пайдалану;
- су айдынында болған кезде алкогольдік ішімдіктерді пайдаланбау.
Төтенше жағдай туындаған кезде 112 нөміріне қоңырау шалыңыз.

Алтай ауданының ТЖБ