Жыл сайын Жаңа-Бұқтырма кенті көркейіп, заманауи келбетке ие болып келеді.

Кенттің орталық бөлігінде абаттандыру және тұрғындар мен қонақтарға жайлы орта қалыптастыру жұмыстары жалғасуда.
Жуырда мұнда жаңа сквер аумағы пайда болып, тұрғындардың сүйікті демалыс орындарының біріне айналды. Аумаққа ыңғайлы орындықтар, заманауи әткеншектер мен сәндік аркалар орнатылып, жас ағаштар мен жасыл желектер отырғызылды. Жаңартылған қоғамдық кеңістік кент орталығына көрікті әрі ұқыпты сән беріп тұр.
Жаңа-Бұқтырма тұрғындары кенттегі оң өзгерістер туралы жылы пікір білдіріп, елді мекеннің жылдан-жылға көркейіп, серуендеуге және отбасылық демалысқа қолайлы болып келе жатқанын атап өтуде. Абаттандыру жұмыстары алдағы уақытта да жалғасып, тұрғындарды жаңа игі бастамалар қуанта түспек.