9 мамыр күні Алтай қаласының Орталық саябағында Даңқ мемориалы ескерткішіне гүл шоқтары мен гүл қою рәсімі өтті.

Тағылымды шараға аудан жергілікті атқарушы билік өкілдері, мәслихат депутаттары, тыл еңбеккерлері, мекеме және ұйым қызметкерлері, сондай-ақ қала тұрғындары қатысты. Қатысушылар қаза тапқан батырларды бір минут үнсіздікпен еске алып, олардың ерлігі мен батылдығына, бейбіт өмір үшін жасаған жанқиярлық еңбегіне құрмет білдіріп, гүл шоқтарын қойды.
Іс-шара патриоттық рухта өтіп, жеңіс ұрпағының ерлігіне деген зор құрмет пен бірліктің айқын көрінісіне айналды.