Ұлттық кітап күнін мерекелеу аясында «Горняк» мәдени-демалыс орталығында Шығыс Қазақстандық белгілі жазушы, ақын, журналист және өлкетанушы Александр Иванович Егоровтың туғанына 100 жыл толуына арналған іс-шара өтті.

Алтай ауданы әкімінің орынбасары Ж.Аскарова қатысушыларға құттықтау сөзін арнап, әдеби мұраны сақтаудың маңыздылығын және қоғамның рухани дамуындағы кітаптардың рөлін атап өтті.
Іс-шараға әдебиет әуесқойлары, мектеп оқушылары, мұғалімдер және Алтай ауданының тұрғындары қатысты. Іс-шара бағдарламасы бай және алуан түрлі болды. Әдеби-музыкалық кеште А.И. Егоровтың шығармаларынан үзінділер, өлеңдері және музыкалық компазициялары орындалып, жазушының шығармашылық мұрасына құрмет атмосферасын қалыптастырды.
Жоғары сынып оқушыларына арналған «Егоров. Connect: аймақ болашақтың көзімен» тақырыбына интеллектуалды және шығармашылық байқауы ерекше қызығушылық тудырды. Қатысушылар терең білімді ғана емес, сонымен қатар туған өлкесінің мәдени мұрасын түсінуге шығармашылық көзқарасты көрсететін жарқын және түсінікті жұмыстарын ұсынды.
Іс-шара аясында «А.И. Егоровтың өмірі мен шығармашылығы» тақырыбына кітап және иллюстрациялық көрме ұйымдастырылды, онда қонақтар автордың шығармаларымен, мұрағат материалдарымен және оның өмірін бейнелейтін фотосуреттермен таныса алды.
Бағдарламада Александр Иванович Егоровтың аймақтық әдебиет пен мәдениеттің дамуына қосқан үлесін көрсететін презентациялар мен баяндамалар болды.
Бұл іс-шара мәдени жадты сақтауға, оқуды насихаттауға және қоғамның рухани және интеллектуалдық дамуының маңызды бөлігі ретінде кітаптың рөлін нығайтуға бағытталған маңызды шараға айналды.