Қазіргі уақытта Алтай ауданы аумағында Алтай ауданы әкімдігінің «МОБУ «Горняк» КМҚК» жұмыс істейді.

Клубтық мекемелер желісінде 13 нысан бар:

• Алтай қаласындағы «Горняк» МОБУ;
• Серебрянск қаласындағы қалалық мәдениет үйі;
• төрт ауылдық мәдениет үйі (Жаңа Бұқтырма кенті, Парыгино, Чапаево, Средигорное ауылдары);
• жеті ауылдық клуб (Никольск, Первороссийское, Соловьево, Маяк, Бородино, Октябрьский, Чиркаин ауылдары).

Алтай ауданының мәдениет мекемелері желісі 41 нысаннан тұрады, оның ішінде 2 қалалық және 4 ауылдық мәдениет үйлері, 7 ауылдық клуб, 7 қалалық және 20 ауылдық кітапхана, Достық үйі бар.

Қазақстан Республикасы Мәдениет және спорт министрінің 2015 жылғы 31 наурыздағы №121 «Мәдениет ұйымдары желісінің ең төменгі мемлекеттік нормативтерін және облыстық, республикалық маңызы бар қалалар, астана, аудандық, облыстық маңызы бар қалалар, ауылдық деңгейдегі мемлекеттік мәдениет ұйымдарының үлгілік штаттарын бекіту туралы» бұйрығына сәйкес, халқының саны 1000 адамнан асатын ауылдық елді мекендер мәдениет нысандарымен қамтамасыз етілген.

Мәдениет саласындағы мекеме қызметкерлерінің жалпы саны – 186 адам, оның ішінде клубтық мекемелерде – 108, кітапханаларда – 74, Достық үйінде – 7 адам.

Қазіргі уақытта ауданда 116 клубтық құрылым жұмыс істейді: көркемөнерпаздар ұжымдары, қызығушылық клубтары, үйірмелер, әуесқой бірлестіктер. Оларға 1098 адам қатысады (693-і балалар, 294-і ересектер, 111-і мүмкіндігі шектеулі жандар мен қарттар).

Балаларға арналған үйірмелер, қызығушылық клубтары және көркемөнерпаздар ұжымдары жұмыс істейді, онда әр бала бос уақытын тиімді өткізе алады:

• 76 үйірме мен қызығушылық клубтары, қамтылуы – 892 адам;
• 39 көркемөнерпаздар ұжымы, қамтылуы – 453 адам.

«Алтай ауданының Достық үйі – Қоғамдық келісім орталығы» КММ-де «Ата дәстүр» қазақ мәдени бірлестігі және 6 этномәдени бірлестік жұмыс істейді: «Оберегъ» славян этномәдени бірлестігі, «Салават» татар этномәдени бірлестігі, неміс этномәдени бірлестігі, «Надія» украин этномәдени бірлестігі, «Хазахетар» шешен этномәдени бірлестігі, сондай-ақ облыстық этномәдени бірлестіктердің филиалы болып табылатын казак ұйымы бар.

Достық үйі жанында шығармашылық ұжымдар жұмыс істейді: «Раздолье», «Дәстүр», «Бабье лето» вокалдық топтары, «Миряне» халықтық фольклорлық ансамблі, «Поющие сердца» халықтық әйелдер хоры, «Казаки Алтая» триосы, «Веселка» триосы. Қарт адамдар үшін «Белсенді ұзақ өмір сүру орталығы» жұмыс істейді.

Барлық ауылдық округтерде Қоғамдық келісім кеңестері, Аналар кеңестері, Ақсақалдар кеңестері және Қазақстан халқы Ассамблеясы жанындағы кәсіби емес медиаторлар кеңестері жұмыс істейді.

2025 жылғы 1 қаңтардағы жағдай бойынша кітапханалардың кітап қоры 404 546 дананы құрайды, оның ішінде мемлекеттік тілде – 21 410 дана. Кітапхана оқырмандарының жалпы саны – 25 510 адам. 2024 жылы аудан кітапханаларына 11 255 дана жаңа әдебиет келіп түсті, оның ішінде мемлекеттік тілде – 1 923 дана. Электрондық каталогқа барлығы 57 023 кітап енгізілді, оның ішінде мемлекеттік тілде – 13 999 дана.

Ауданның 17 кітапханасында интернетке қолжетімділік бар, оның 10-ы ауылдық жерлерде орналасқан (Жаңа Бұқтырма кенті (№5 филиал, №4 балалар кітапханасы), Октябрьский, Прибрежное кенттері, Малеевск, Полянское, Никольск, Парыгино, Соловьево, Средигорное ауылдары). Жалпы аудан кітапханаларында пайдаланушыларға арналған 28 компьютер бар, оның 12-сі ауылдық жерде.

Онлайн-орталықтарда 300-ден астам пайдаланушы тіркелген. Кітапханалардың ақпаратты жедел ұсыну мүмкіндігі қазіргі қоғамның дамуына үлкен ықпал етеді. Дәстүрлі кітапхана мен заманауи электрондық технологиялардың өзара байланысы кітапханалық-ақпараттық қызметті сапалық тұрғыдан жаңа, бұрынғыдан да өнімді деңгейге көтереді.

Осы мақсатта оқыту семинарлары, кеңестер, компьютерлік және интернет-тренингтер өткізіледі. «Цифрлық Қазақстан» бағытын іске асыру аясында электрондық білім беру бағдарламасына және халықты онлайн ортаға тартуға ерекше көңіл бөлінеді. Мемлекеттік ақпараттық ресурстарға (электрондық үкімет) тең қолжетімділікті қамтамасыз ету, ақпараттық теңсіздікті жою, интернет технологияларын пайдалану арқылы компьютерлік және жалпы сауаттылықты арттыру бағытында жұмыстар жүргізілуде.

Өткізілетін тренингтер: жаңадан бастаушыларға арналған «Интернеттен іздеу», «Электрондық үкімет порталымен жұмыс», кітапханашыларға арналған «Excel бағдарламасымен жұмыс», «Буктрейлерлер, Reels жасау», сондай-ақ «Вдохновение» клубы қатысушыларына арналған «Интернеттен іздеу. Электрондық пошта» оқыту сабақтары.

2024 жылы аудан кітапханаларында 185 тренинг өткізіліп, онда 256 адам білім алды.

Балаларды оқуға тарту мақсатында кітапханаларда шығармашылық үйірмелер ұйымдастырылған. Аудан кітапханаларында келесі үйірмелер жұмыс істейді:

• «Петрушка» – әдеби қуыршақ театры (Жаңа Бұқтырма кенті, №4 балалар кітапханасы);
• Орталық балалар кітапханасында «Отанға деген сүйіспеншілік – парақтар сырынан» клубы – жергілікті авторлардың шығармаларын оқу, ақын-жазушылармен кездесулер (Н. Медведева, Е. Вайцеховская, Н. Максимова және т.б.);
• «Демалыс күні клубы» – отбасылық дауыстап оқу, белгілі балалар шығармалары бойынша фильмдер көру;
• «Почитайка» үйірмесі (Полянское ауылы);
• «Акварелька» (Октябрьский кенті);
• «Эрудиты» (Прибрежное кенті);
• «Оқимыз – ойнаймыз» (Парыгино ауылы) – балалардың шығармашылық қабілеттері мен креативті ойлауын дамытуға, жан-жақты тұлға қалыптастыруға бағытталған.

2024 жылдың есептік кезеңінде аудан кітапханалары 2507 мәдени-көпшілік іс-шара өткізіп, оған 43 309 адам қатысты.

Мәдениет мекемелері ұйымдастыратын барлық іс-шаралар мен үйірме сабақтары тегін өткізіледі.