2026 жылғы 17 ақпанда Алтай ауданы бойынша Кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті.

Комиссия жұмысына Алтай ауданы прокуратурасының прокуроры Жаканова А.М., Зубовск кентінің әкімі Гребенщикова А.Ю., комиссия мүшелері, кәмелетке толмағандар істері жөніндегі инспекторлар, білім беру ұйымдарының директорлары, педагог-психологтар және әлеуметтік педагогтар қатысты.
Отырыс барысында ата-аналық міндеттерін тиісінше орындамау фактілері бойынша 12 жеке іс қаралды. Әрбір жағдай бойынша балалардың тұрмыс-тіршілік және тәрбиелену жағдайларына жан-жақты талдау жүргізіліп, заңды өкілдердің түсініктемелері, сондай-ақ білім беру және құқық қорғау органдары мамандарының пікірлері тыңдалды.
Қаралған материалдардың қорытындысы бойынша кәмелетке толмағандардың құқықтары мен заңды мүдделерін қорғауға, отбасылармен профилактикалық жұмысты күшейтуге және қайталама құқық бұзушылықтардың алдын алуға бағытталған тиісті шаралар қабылданды.
Комиссия отбасылық қолайсыздықтың алдын алу, балалардың қауіпсіздігін қамтамасыз ету және кәмелетке толмағандардың құқықтарын қорғау саласындағы ведомствоаралық өзара іс-қимылды нығайту бағытында жүйелі жұмысын жалғастырады.