Шығыс Қазақстан облысында 2025–2028 жылдарға арналған ауыл шаруашылығын дамыту тұжырымдамасы аясында ауыл шаруашылығы саласын дамытуға арналған кластерлік бағдарламаларды іске асыру бойынша кешенді жұмыстар жүргізілуде.

Облыс әкімінің кеңесшісі, Қазақстанның Фермерлері Қауымдастығының өңірлік филиалының төрағасы Самат Қыдырмолда осы жұмысты үйлестіру және ауыл шаруашылығы әлеуетін бағалау үшін Алтай ауданына жұмыс сапарымен келіп қайтты. Сапар барысында ауыл шаруашылығының ағымдағы мәселелері, саланы одан әрі дамыту перспективалары талқыланды және бірлескен жоспарлар нақтыланды.