ШҚО-да дауылды ескерту жарияланды

«Қазгидромет» ШҚ филиалының ақпараты бойынша 11 қарашада түнде облыстың солтүстігінде, шығысында, оңтүстігінде қар, көктайғақ, жаяу бұрқасын күтіледі, күндіз облыстың батысында, солтүстігінде, шығысында жауын-шашын - жаңбыр, қар, көктайғақ, жаяу бұрқасын күтіледі. Облыстың солтүстігінде, шығысында, оңтүстігінде тұман күтіледі. Жел оңтүстік-батыстан соғады, облыстың батысында, солтүстігінде, оңтүстігінде 15-20, екпіні 23 м/с. Өскемен қ. түнде қар, көктайғақ, жаяу бұрқасын күтіледі. Жел оңтүстік-батыстан соғады, түнде екпіні 15-18 м/с.
Мұндай ауа-райы жағдайында ұзақ сапарларды жоспарламаңыз, олардан бас тартыңыз. Егер шығу қажет болса, мұндай жолға мұқият дайындалыңыз. Өзіңізбен бірге кәбіл, күрек, әйнекті тазалауға арналған қырғыш, отын қоры, шам, жылы заттар, телефон, зарядталған PowerBank, қол шамы, азық-түлік қоры, ыстық шай құйылған термос, жарқын мата алыңыз.
Жолға шығар алдында жол жағдайын нақтылаңыз – мұны «Дәрмен» тегін ұялы қосымшасын жүктеу арқылы жасауға болады. Республикалық маңызы бар жолдардың жай – күйін 26-28-08, облыстық - 57-42-52 телефондары арқылы анықтауға болады.
Мүмкіндігінше, жолда байланысқа шығыңыз және қайда екеніңізді хабарлаңыз.
Жүргізушілерді дауылды ескертуді ескеруге, жолда жылдамдық режимі мен қашықтықты сақтауға шақырамыз. Жаяу жүргіншілер жарақат алу мүмкіндігін азайту үшін шаралар қабылдауы керек.
Желден үйлердің қабырғаларына жақын жерде жасырынбаңыз, өйткені шатырлардан шатыр материалдарының құлауы мүмкін, қоғамдық көлік аялдамаларының, жарнама тақталарының артында, ағаштардың астында, электр беру желілерінің жанында тұрмаңыз. Автокөліктерді ағаштардың жанында, сондай-ақ әлсіз нығайтылған құрылымдардың жанында қоймаңыз.
Төтенше жағдайлар туындаған кезде «112» телефоны бойынша хабарлаңыз.