2025 жылғы 27 тамызда Алтай ауданында құқық бұзушылықтардың алдын алу және сыбайлас жемқорлыққа қарсы іс-қимыл жөніндегі ведомствоаралық комиссияның III тоқсанға арналған отырысы өтті.

Отырыста келесі мәселелер қаралды:
1. Құқық бұзушылықтардың, соның ішінде кәмелетке толмағандар арасындағы құқық бұзушылықтардың алдын алуда мәдениет-демалыс және білім беру мекемелерінің рөлін арттыру туралы.
Мәдениет және білім беру мекемелерінде балалар мен жастардың құқықтық санасы мен құқықтық мәдениетін қалыптастыруға бағытталған алдын алу жұмыстарын күшейту шаралары талқыланды.
2. Алтай ауданында ТБН-4 картасын іске асыру барысы туралы.
ТБН-4 картасын енгізудің қазіргі кезеңі жөнінде ақпарат тыңдалып, проблемалық тұстар атап өтілді және оларды шешу жолдары айқындалды.

Қаралған барлық мәселелер бойынша тиісті құрылымдар мен ұйымдарға сәйкес ұсынымдар берілді.