Алтай ауданы ТЖБ қызметкерлері, судағы жүріс тұрыс ережелері бойынша брифинг өткізді

Алтай ауданы ТЖБ қызметкерлері, БАҚ өкілдеріне судағы қауіпсіздік мәселелеріне арналған брифинг өткізді.
Құтқарушылар, журналистерге су айдындарындағы мінез-құлықтың негізгі ережелері туралы айтып, қауіпсіздік талаптарын бұзу әкімшілік жауапкершілікке әкеп соқтыратынын атап өтті.
Аудан аумағында, күн сайын Бұқтырма су қоймасының жағалауында, сондай-ақ шомылуға тыйым салынған жерлерде алдын алу рейдтер жүргізіледі. Бұзушылықтар анықталған жағдайда азаматтарға әкімшілік ықпал ету шаралары қолданылады.Бүгінгі таңда ҚР ӘҚБтК 412-бабы бойынша 4 адам жауапкершілікке тартылды.
Жазғы кезеңде балалардың қауіпсіздігіне ерекше назар аударылады. Ата-аналарға балаларды судың жанында қараусыз қалдырмауға, алдын алу әңгімелер жүргізуге және мінез-құлық ережелерін, соның ішінде тыйым салынған жерлерде шомылуға жол бермеуді түсіндіруге кеңес беріледі.
Шомылуға тыйым салынған барлық жерлерде тиісті ескерту белгілері орнатылған.
Қауіпсіздік ережелерін сақтау-судағы өмір мен денсаулықты сақтаудың кепілі.