Бүгін ШҚО-ның ауыл шаруашылығы басқармасына қарасты шаруашылық жүргізу құқығындағы коммуналдық мемлекеттік кәсіпорындарының комплаенс-қызметіне жауапты тұлғалармен кездесу өтті.
Ағымдағы жылдың 16 маусымында ZOOM платфомасы арқылы өткізілген кездесуге ШҚО-ның ауыл шаруашылығы басқармасына қарасты шаруашылық жүргізу құқығындағы коммуналдық мемлекеттік кәсіпорындарының комплаенс-қызметіне жауапты тұлғалар және ШҚО Сыбайлас жемқорлыққа қарсы іс-қимыл агенттінігің (Сыбайлас жемқорлыққа қарсы қызмет) ШҚО бойынша департаменті Превенция басқармасының бас маманы Байқадамова Гүлназ Қажиахметқызы қатысты.
Г. Байқадамова квазимемлекеттік секторларда сыбайлас жемқорлыққа қарсы комплаенс институтын ұйымдастыру, оның заңнамалық деңгейде енгізілгенін және комплаенс мамандарының негізгі міндеттерінің бірі - құқық бұзушылықтардың алдын алу және кәсіпорынның іскерлік беделін қорғау болып табылатынын, ең маңызды басымдық – алдын алуды, сондай-ақ, комплаенс қызметі бойынша мамандардың біліктілігін арттыру қажеттігін атап өтті.
Сонымен қатар, қатысушыларға сыбайлас жемқорлыққа қарсы комплаенс есептілікті жүргізу, оны жетілдіру жөніндегі әдістемелік ұсынымдар беріліп, түсіндірілді.