Пестицидтердi өндiру

«Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру»

«Шығыс Қазақстан облысының Ауыл шаруашылығы басқармасы» ММ «Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру» мемлекеттік қызмет көрсету бойынша көрсетілетін қызметті беруші болып табылады.

Мемлекеттiк көрсетілетін қызмет көрсетілетін қызметті алушыларға ақылы негізде көрсетiледi.

Мемлекеттiк қызмет көрсету кезiнде жекелеген қызмет түрлерімен айналысу құқығына лицензия беру үшін көрсетiлетiн қызметтi алушының орналасқан жері бойынша бюджетке "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 554-бабына сәйкес:

1) лицензия бергені үшін – 10 (он) айлық есептік көрсеткішті;

2) лицензияларды қайта ресімдегені үшін – лицензия беру кезіндегі мөлшерлеменің 10 пайызын құрайтын лицензиялық алым төленеді.

Лицензияны және (немесе) лицензияға қосымшаны беру кезінде мемлекеттік қызмет көрсетудің жалпы мерзімі құжаттарды тіркеген сәттен бастап 10 (он) жұмыс күнін құрайды. Жауап электрондық құжат нысанында портал арқылы беріледі («www.egov.kz» «www.elicense.kz») көрсетілетін қызметті алушыға.

Көрсетілетін қызметті алушының мемлекеттік қызметті көрсетудің тәртібі мен мәртебесі туралы ақпаратты порталдың «жеке кабинеті», сондай-ақ мемлекеттік қызметтер көрсету мәселелері жөніндегі бірыңғай байланыс орталығының телефоны арқылы қашықтықтан қол жеткізу режимінде алуға мүмкіндігі бар.