Қытаймен шекарада бөдене жұмыртқасының заңсыз жүктері ұсталды

2024 жылғы 12 мамырда Жетісу облысындағы "Нұр-Жолы" бақылау бекетінің ветеринарлық инспекторлары Қытай Халық Республикасынан келе жатқан бөдене жұмыртқасы бар автокөлікті ұстады. Тексеру барысында 360 жұмыртқадан тұратын жүк қажетті ветеринариялық сертификаттарсыз және әкелуге рұқсатсыз тасымалданғаны анықталды.

Бұл жағдай Қазақстанның Қытаймен шекарасындағы автомобиль өткізу пункттерінде орналасқан алты ветеринарлық бақылау бекетінің жұмысының маңыздылығын көрсетеді. Штаттық режимде келесі бекеттер жұмыс істейді: "Бақты" ВББ, "Майқапшағай" ВББ, "Қалжат" ВББ, "Алакөл" ВББ, "Нұр-Жолы" ВББ және "Қорғас ШЫХО" ВББ. Олардың міндеті-Қазақстан Республикасының аумағын жануарлардың аса қауіпті ауруларынан қорғау және елдің эпизоотиялық салауаттылығын ұстап тұру.

Заңсыз жүк Қазақстан Республикасы Үкіметінің 2008 жылғы 15 ақпандағы № 140 Қаулысымен бекітілген адам мен жануарлардың өмірі мен денсаулығына қауіп төндіретін тамақ өнімдерін утилизациялау және жою қағидаларына сәйкес жойылды. Автокөлік жүргізушісіне "Әкімшілік құқық бұзушылық туралы"Қазақстан Республикасының 2014 жылғы 5 шілдедегі № 235-V ҚРЗ кодексіне сәйкес айыппұл салынды.