Успен ауданы мектептерінде 2025–2026 оқу жылы қорытындылануда

Успен ауданының барлық мектептерінде 2025–2026 оқу жылы аяқталуға жақын.
Биыл аудан мектептерінде 1824 оқушы оқу жылын аяқтайды. Оның ішінде: 267 түлек — 9 және 11 сынып оқушылары.

Оқу жылының қорытындысы бойынша:
🔹 13 оқушы 9 сыныпты үздік аттестатпен аяқтауға үміткер;
🔹 9 түлек 11 сынып бойынша үздік аттестатқа үміткер.

Бүгінде Успен ауданының білім беру ұйымдарында 399-дан астам педагог еңбек етуде.

25 мамыр күні еліміздің барлық мектептерінде «Білімім — Отаныма!» тақырыбында бірыңғай сынып сағаты өтеді.
✨ Сынып сағаттары барысында:
📌 оқу жылының қорытындылары шығарылады;
🏆 оқушылардың жетістіктері атап өтіледі;
📖 мектеп өміріндегі жарқын сәттер еске алынады.

Ерекше назар:
✔️ «Адал азамат» бірыңғай тәрбие бағдарламасының құндылықтарына;
✔️ білім мен ғылымға құрметті арттыруға;
✔️ инновациялық ойлауды дамытуға бағытталады.

Сонымен қатар, оқушыларға жазғы демалыс кезеңіне арналған әдебиеттер мен фильмдердің ұсыныстық тізімі таныстырылады.

⚠️ Маңызды!

Оқу-ағарту министрлігі мен жергілікті атқарушы органдардың бірлескен бұйрығы мен қаулысына сәйкес мектеп бітіру іс-шараларын мейрамханаларда, кафелерде, банкет залдарында, демалыс орындарында және табиғат аясында өткізуге тыйым салынады.

Сондай-ақ:
- ата-аналардан, заңды өкілдерден және білім алушылардан ақша жинауға;
- сыйлықтар мен өзге де материалдық құндылықтарды талап етуге жол берілмейді.

Аттестаттар мен дипломдарды тапсыру рәсімі тек білім беру ұйымдарының қабырғасында ұйымдастырылады.

Бұл шаралар мектеп бітіру іс-шаралары кезінде қауіпсіздік пен қоғамдық тәртіпті қамтамасыз етуге, сондай-ақ білім беру ұйымдарында «Заң және тәртіп» қағидатын нығайтуға бағытталған.