Успен ауданында келісім комиссиялары мүшелеріне арналған облыстық семинар өтті

13 сәуір күні Успен ауданында келісім комиссиялары мүшелеріне арналған облыстық семинар өтті. Іс-шараға аудан мен облыстың білім беру ұйымдарынан 100-ден астам өкіл қатысты.

Семинар келісім комиссиялары қызметінің өзекті мәселелерін талқылауға арналған маңызды кәсіби алаңға айналды. Қатысушылар жұмыс барысында туындайтын практикалық жағдайларды қарастырып, тәжірибе алмасып, күрделі сұрақтарға нақты түсіндірмелер алды.

Семинардың жоғары деңгейде ұйымдастырылуына бас маман Гүлбарам Ауезханқызы мен заңгер Гүлшат Оралқызына ерекше алғыс білдіреміз. Іс-шара мазмұнының сапалылығы, құрылымының жүйелілігі және практикалық бағыттылығы қатысушылар үшін аса пайдалы болды.

Семинар барысында қатысушылар белсенділік танытып, ауызша және жазбаша түрде көптеген сұрақтар қойды. Барлық сұрақтарға кәсіби әрі толық жауаптар берілді.

Әріптестерімізге белсенді ұстанымы, қызығушылығы және кәсіби дамуға деген ұмтылысы үшін алғыс айтамыз. Ортақ еңбектің нәтижесінде семинар мазмұнды әрі нәтижелі өтті.