Жұмыс барысында Жайық өзенінің жағалауына рейд жүргізілді, онда балалармен және ересектермен қауіпсіздік ережелерін сақтау бойынша ақпараттық-түсіндіру жұмыстары, қалалық жағажайлар мен халықтың стихиялық шомылу орындарын тексеру жүргізілді.
Мұнан соң БҚО ТЖД Орал қаласының ӨСжАҚЖҚ «Жедел-құтқару жасағының» орталық базасында жұмыс кеңесі өтті, онда қолданыстағы жоспарлар шеңберінде қабылданатын судағы балалармен жазатайым оқиғалардың алдын алу бойынша шаралар кешені, жұмыс тиімділігін арттыру жолдары, сондай-ақ жағажайлардың, саяжай алқаптарындағы жағажай аймақтарының жұмыс істеу проблемалары және оларды шешу бойынша нақты қадамдар талқыланды. Жиналғандар COVID-19 коронавирустық инфекциясының таралу кезеңінде шектеулерді сақтауға ерекше назар аударды.
Отырысқа комиссия мүшелерімен бірге мәслихат депутаттары, Орал қаласының Төтенше жағдайлар басқармасы, БҚО ТЖД сүңгуір-құтқару бөлімшесі, полиция, білім, ішкі саясат, кәсіпкерлік, спорт, жер қатынастары бөлімдерінің өкілдері, жеке кәсіпкерлер, жағажай иелері, еріктілер, медицина қызметкерлері, қоғам қайраткерлері қатысты.
Аталған бағыттағы жұмыс әрі қарай жалғасады.