ТЕРЕЗЕ – БАЛАЛАР ҮШІН ҚАУІПТІ ЕКЕНІН ҰМЫТПАҢЫЗ!

Жаз – балалар үшін көңілді уақыт. Ата-аналар бұл уақытта балаларына мұқият болуы керек, өйткені кез-келген жерде қауіп болуы мүмкін.
Орал қаласы әкімінің орынбасары, кәмелетке толмағандардың ісі және олардың құқықтарын қорғау жөніндегі комиссия төрағасы Ерлан Ғалиевтің өкімімен Орал қаласында «Балалар қауіпсіздігі! Терезеден абайлаңыз!» атты акция басталды. Акция 4 маусым мен 4 шілде аралығында өтеді және қаланың барлық шағынаудандарын қамтиды. Акцияның мақсаты – балалардың заңды өкілдерінің назарын үйдің қауіпсіздігін сақтау мәселелеріне аудару, соның ішінде кәмелетке толмағандардың терезеден құлап кету қаупін болдырмау. Бұл проблема қала тұрғындары үшін өзекті болып отыр, өйткені мамыр айынан бастап пәтерлердің терезесінен сәбидің құлап кетуінің 4 жағдайы орын алған.
Акцияның үйлестірушісі кәмелетке толмағандардың істері және олардың құқықтарын қорғау жөніндегі комиссия және Орал қаласы ПБ ювеналды полиция бөлімшесі болды. Акция жоспарында рейдтік іс-шаралар қарастырылған, оның ішінде қала тұрғындарымен шағын аудандарда және тұрғылықты жері бойынша әңгімелесу, тәуекелдерді төмендетуге көмектесетін қауіпсіздік ережелері бар жадынамаларды тарату және т. б. бар.
4 маусымда Зачаган кентінде рейдтік іс-шаралар басталды. Іс-шараға Зачаган кенті әкімдігінің басшылығы, Орал қаласы полиция басқармасының Зачаган полиция бөлімшесінің, Орал қаласы Төтенше жағдайлар басқармасының, БҚО білім саласындағы сапаны қамтамасыз ету департаментінің, «Жас ұрпақ» жасөспірімдерді әлеуметтік дамыту орталығының, қалалық білім бөлімінің қызметкерлері, медицина қызметкерлері, қоғам белсенділері қатысты.
Акцияға қатысушылар үйде қауіпсіз орта құру ережелерін түсіндіре отырып, ата-аналарды балаларды қорғау үшін біздің қолымызда не істеу керектігін, бұл ретте мүмкіндігінше кішкентай баланы жалғыз қалдырмауға шақырды.