Бүгін балаларды қорғау күні мерекесіне орай қалалық жұмыспен қамту және әлеуметтік бағдарламалар бөлімінің зейнеткерлер мен мүгедектерге әлеуметтік қызмет көрсету аумақтық орталығы «Бала деген — бір бақыт» атты концерттік бағдарлама ұйымдастырды.

Бағдарламада Орал қалалық «Қарақат өнер мектебінің» өнерпаздары, күндізгі жартылай стационар қызмет алушылары және М.Өтемісұлы атындағы университетінің жастары өнер көрсетті. Шара барысында қала әкімінің орынбасары Ерлан Галиев балаларды мерекелерімен құттықтап, оларға қала әкімінің атынан арнайы құттықтау хат пен сыйлықтар табыстады. Сонымен қатар балаларға үнемі демеушілік қолдау көрсететін жеке кәсіпкер Ф.Бөлекбаевты алғыс хатпан марапаттады.

Концерттік бағдарлама өткен «Skypark» кафесінің ұжымы да мерекеге өз үлестерін қосып, 46 балаға дастархан жайып, сыйлықтар берді.