Оралда І Халықаралық «JAIYQ SAZY» этнофестивалі өтеді
12 қыркүйек күні сағат 20:00-де Орал қаласындағы ҚР Тұңғыш Президенті алаңында І Халықаралық «JAIYQ SAZY» этнофестивалінің концерттік бағдарламасы өтеді.
Фестивальде қазақтың дәстүрлі ән-күйі, жыр-термелері мен ұлттық би өнері ұсынылады. Концерттік бағдарламаға Данияр Таңатаров, Медет Оразов, Ақылбек Бектасов, Жанарым Аманғалиева, Аслан Ғұмаров, Ернар Өмірәлі, Күлаш Қуанышқалиева, Тілек Базаров, жергілікті өнерпаздар қатысады.
Сонымен қатар фестиваль қонақтары қатарында Қазақстан эстрадасының жұлдыздары Жұбаныш Жексенұлы, Баянсұлу, Тұрар, Мақсат Рахмет және Түркиядан Murat Yaprak пен Өзбекстаннан Севара Туланова өнер көрсетеді.
І Халықаралық «ZHAIYQ SAZY» этнофестивалі ұлттық өнерді дәріптеп, шығармашылық ұжымдар мен өнерпаздар арасындағы халықаралық мәдени байланысты нығайтуға бағытталған.