Орал қаласының мәдениет және тілдерді дамыту бөлімінің басшысы тағайындалды

---

Орал қаласы әкімінің өкімімен Жұбатов Мәулет Өтемісұлы Орал қаласының мәдениет және тілдерді дамыту бөлімінің басшысы болып тағайындалды.

Мәулет Өтемісұлы 1984 жылғы 17 наурызда Батыс Қазақстан облысы Қазталов ауданында дүниеге келген.

Білімі – жоғары. 2005 жылы М.Өтемісов атындағы Батыс Қазақстан мемлекеттік университетін «мәдени-тынығу жұмысы» мамандығы бойынша, 2025 жылы аталған жоғары оқу орнын «мәдени-тынығу жұмысының магистрі» мамандығы бойынша тәмамдаған.

Еңбек жолын 2006 жылы Батыс Қазақстан облысы Теректі аудандық лингвистикалық гимназиясының тәрбие ісі жөніндегі орынбасары қызметінен бастаған.

Әр жылдары:

* Теректі аудандық мәдени-демалыс орталығында директор;
* Батыс Қазақстан облыстық мәдениет, тілдерді дамыту басқармасы Халық шығармашылығы орталығының директоры қызметтерін атқарған.

Үйленген, үш бала тәрбиелеп отыр.