2026 жылға арналған «Халық қатысатын бюджет» жобасы

---

Орал қаласында 2026 жылға арналған «Халық қатысатын бюджет» жобасы аясында тұрғындардан жобалық ұсыныстарды қабылдау басталды.

Өтінім қабылдау мерзімі:
📅 2026 жылғы 19 қаңтар – 28 ақпан

Жобалар келесі бағыттар бойынша қабылданады:
• аумақты көгалдандыру;
• тротуарлар мен жаяу жүргінші жолдарын салу және абаттандыру;
• пандустар, арықтар салу және жөндеу;
• саябақтар, скверлер, көшелер және басқа да қоғамдық орындарды салу, жөндеу және жарықтандыру;
• бордюр, брусчатка, тіреу қабырғаларын жөндеу;
• қоқыс үйінділерін жою;
• қоғамдық орындарға орындықтар, қоқыс жәшіктері, беседкалар орнату;
• балалар және спорт алаңдарын орнату, жөндеу және жарықтандыру;
• санитарлық жағдайды жақсарту.

Жобалық ұсыныстарға қойылатын негізгі талаптар:
• бір өтінім – бір нысан;
• нысан жалпы пайдаланымда болуы тиіс;
• қала тұрғындары үшін өзекті болуы;
• бір бюджеттік жыл ішінде іске асыру мүмкіндігі;
• жоба қала әкімдігінің құзыретіне сәйкес келуі тиіс.

📌 Өтінімдер Орал қаласы әкімдігінің ресми сайтында қабылданады:
https://www.gov.kz/memleket/entities/uralsk?lang=kk

Қала тұрғындарын белсенді қатысуға шақырамыз!