Орал қаласында «Кітап оқитын ұлт» жобасы аясында «Жолда кітаппен бірге!» бастамасы іске қосылды
Бастама Мемлекет басшысының кітап оқу мәдениетін қоғамда орнықтыру жөніндегі тапсырмасына сәйкес жүзеге асырылып жатыр.
Жоба аясында қоғамдық көліктерде жолаушыларға жол үстінде кітап оқуға мүмкіндік жасалуда. Алғашқы кезеңде №2 және №5 бағыттардағы 10 автобус арнайы іріктелген кітаптармен жабдықталып, шағын оқу аймақтары ұйымдастырылды.
Бастама тұрғындардың кітапқа деген қызығушылығын арттырып, білімге құштар қоғам қалыптастыруды көздейді.