Макинск қаласында облыс әкімінің төрағалығымен Буланды ауданының ағымдағы жылғы су тасқыны кезеңіне дайындығына арналған көшпелі кеңес өтті.

«Қазгидромет» деректеріне сәйкес, аудан жоғары қауіп аймағына жатады: 11 елді мекенге қауіп төніп тұр. Қайрақты, Қоңыр, Жолболды, Бақсук өзендерінің бассейндерінде, сондай-ақ Жарлыкөл көлінде су тасқыны болуы мүмкін. Сонымен қатар, аудан орталығы мен екі ауылды еріген қар сулары басу қаупі бар.

Кеңес барысында Буланды ауданының су тасқыны кезеңіне дайындығы қарастырылды.

Целиноград және Жарқайың аудандарының тәжірибесін қолдану ұсынылды, атап айтқанда қорғаныс валдарын полиэтилен пленкамен жабу арқылы су сіңуін азайтып, шайылудың алдын алу.

Сондай-ақ 10–15 наурыз аралығында су тасқыны суларын қауіпсіз өткізу үшін жарылыс жұмыстарын жүргізу ұсынылды.

Қосымша ретінде, қарды шығару және арық-канал жүйелерін тазалаумен қатар, еріген қар суларын ұстап қалудың тиімді шарасы ретінде алқаптарды қаралау әдісін қолдану ұсынылды.