Жезқазған қалалық сайлау комиссиясының ұйымдастыруымен Қазақстан Республикасы Конституциясының 30 жылдығына арналған семинар өтті

Жезқазған қалалық сайлау комиссиясының ұйымдастыруымен Қазақстан Республикасы Конституциясының 30 жылдығына арналған семинар өтті.

Жезқазған қаласында Қазақстан Республикасының Конституциясының 30 жылдығына арналған семинар ұйымдастырылды. Іс-шараға мемлекеттік қызметшілер, жас мамандар және құқық саласының өкілдері қатысты.

Семинар барысында Конституция нормаларының мемлекеттік басқарудағы рөлі талқыланып, құқықтық мәдениетті арттырудың жолдары қарастырылды. Сонымен қатар, Мемлекет басшысы Қасым-Жомарт Тоқаевтың 8 қыркүйектегі Жолдауында айтылған референдум институтының маңызы сөз болды. Қатысушыларға референдум өткізудің заңнамалық тәртібі түсіндірілді.

Семинардың ерекше бөлігі ретінде қатысушылар екі топқа бөлініп, Конституция нормалары бойынша сайыс түрінде білімдерін сынады.