СӘТБАЕВТА ЖАҢА СПОРТТЫҚ-САУЫҚТЫРУ КЕШЕНІ САЛЫНУДА

Сәтбаев қаласында тұрғындардың спортпен шұғылдануына және белсенді демалысына арналған жаңа спорттық-сауықтыру кешенінің құрылысы жалғасуда.

Жаңа ғимаратта спорттың бірнеше түрімен айналысуға арналған заманауи залдар қарастырылады. Сонымен қатар кешеннің сыртқы аумағында ашық спорт алаңдарын жабдықтау көзделген.

Нысан пайдалануға берілгеннен кейін бұқаралық спортты дамытуға, жаттығулар, жарыстар және түрлі спорттық іс-шаралар өткізуге мүмкіндік береді. Әсіресе балалар мен жастар үшін спортпен жүйелі айналысуға және бос уақытын тиімді өткізуге қосымша жағдай жасалады.

Құрылыс жұмыстарын 2026 жылдың соңына дейін аяқтау жоспарланған. Қазіргі уақытта нысандағы жұмыстар жалғасуда, құрылыс барысы мен сапасы тиісті бақылауда.

Жобаның іске асырылуы Сәтбаев қаласының спорттық инфрақұрылымын дамытуға және тұрғындар үшін дене шынықтырумен және спортпен айналысуға қолайлы әрі қолжетімді жағдай қалыптастыруға мүмкіндік береді.