Ұлытау облысының Жезқазған қаласында 3000 адамға арналған жаңа мешіттің құрылысы басталды

Ұлытау облысының Жезқазған қаласында 3000 адамға арналған жаңа мешіттің құрылысы басталды. Ауқымды жоба «Қазақмыс корпорациясы» ЖШС-нің қолдауымен жүзеге асырылуда.

Құрылыстың жалпы құны шамамен 3,2 млрд теңгені құрайды. Құрылысты 2026 жылдың IV тоқсанында аяқтау жоспарланып отыр.

Жоба аясында келесі нысандар қарастырылған:

• ерлер мен әйелдерге арналған жекелеген намаз залдары;

• дәрет алу бөлмелері;

• кітапхана;

• оқу сыныптары;

• конференц-зал;

• әкімшілік кабинеттер;

• автотұрағы бар абаттандырылған аумақ.

Жаңа мешіт өңірдің рухани орталығы ғана емес, сонымен қатар мәдени және діни құндылықтарды дамытуға бағытталған қоғамдық әрі білім беру инфрақұрылымының маңызды нысанына айналады.