«109» қызметінің негізгі мақсаты-коммуналдық-тұрмыстық мәселелерді жедел шешу

Ұлытау облысының әкімдігі құрған «109» коммуналдық қызметтердің бірыңғай байланыс орталығы 2022 жылдың қараша айынан бастап жұмыс істей бастады.

Осы 8 айда облыс тұрғындарынан 10 мыңнан астам өтініш қабылданды.

Халықтан шағым немесе өтініш алғаннан кейін операторлар ақпаратты дереу тиісті қызметтер мен мемлекеттік органдарға береді және мәселені толық шешкенге дейін мәселені бақылауда ұстайды. Сондай-ақ, орындаушылар біздің жүйеде тұрғындардың мәселелеріне де жауап береді. Орындаушылардың жауабы негізінде тұрғындар сұрауларға шынайы жауаптар алады. Бұл жұмысқа барлық пәтер иелері кооперативтері, коммуналдық қызметтер, мердігерлік ұйымдар және қалалардың, аудандар мен кенттердің әкімдіктері қосылған.

Байланыс орталығының операторлары барлық коммуналдық ұйымдармен, жауапты мемлекеттік мекемелермен (басқармалар, бөлімдер, әкімдіктер), мердігерлік ұйымдармен тікелей байланыста, сондықтан «109» қызметі қабылдаған өтінімдер жедел орындалады. Өтінімді орындаудың орташа уақыты 1-ден 10 сағатқа дейін. Коммуналдық желілердегі авариялық жұмыстар анықталған зақымданудың күрделілігіне байланысты 4-тен 12 сағатқа дейін пысықталады. Бақылау мақсатында байланыс орталығының кезекші диспетчерлері өтініш берушілермен үнемі хабарласып, өтініштің орындалу сапасын тексереді.

Өтініштер келесі коммуникация құралдары арқылы қабылданады:

1. 109 қысқа нөміріне қоңырау шалу (қалалық және ұялы телефондардан тегін);
2. Instagram тікелей хабарламалары: @Ulytau.109;
3. Telegram Чат боты: https://t.me/ulytau_109_bot;
4. WhatsApp нөмірі бойынша: https://wa.me/77077901109;
5. Электрондық пошта арқылы: ulytau109@gmail.com;
6. Өтініштерді қабылдау сайты: https://ulytau.komek109.kz/.