Ұлытау облысы бойынша Еңбек Инспекциясы комитетінің департаменті ЕШЕБЖ-ға тіркелудің маңыздылығын ескертеді

Әлеуметтік-еңбек саласын цифрландыру жөніндегі мемлекеттік бағдарламаны іске асыру аясында, Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Ұлытау облысы бойынша департаменті өңір жұмыс берушілеріне еңбек шарттарын тіркеу бойынша заңнама талаптарын қатаң сақтау қажеттілігін еске салады.

Еңбек шарттарын есепке алудың бірыңғай жүйесі (ЕШЕБЖ) — бұл қызметкерлердің құқықтарын қорғауға және кадрлық іс-қағаздарын автоматтандыруға бағытталған негізгі құрал. Жүйеге мәліметтерді енгізу меншік нысанына қарамастан барлық жұмыс берушілер үшін міндетті болып табылады.

ЕШЕБЖ қызметкерлер мен жұмыс берушілерге не береді?

• Азаматтар үшін: Жүйе еңбек өтілін бұрмалау қаупін жояды, аударымдардың ашықтығына кепілдік береді және мемлекеттік қызметтерді алуды жеңілдетеді (еңбек қызметі туралы ақпарат қағаз анықтамаларды ұсынбай-ақ автоматты түрде расталады).

• Бизнес үшін: Электрондық форматқа көшу қағаз мұрағатты жүргізу шығындарын азайтады, кадр қызметінің жұмысын оңтайландырады және құжаттарды рәсімдеу кезіндегі қателіктердің ықтималдығын төмендетеді.

ЕШЕБЖ жүйесіндегі жұмысқа қатысты туындаған барлық сұрақтар бойынша және еңбек заңнамасы бойынша кеңес алу үшін Ұлытау облысының жұмыс берушілері мен қызметкерлері Мемлекеттік еңбек инспекциясы комитетінің департаментіне келесі мекенжай бойынша жүгіне алады: Жезқазған қаласы, Ғашыркелер 15.