Enbek.kz жүйесінде еңбек шарттарын міндетті тіркеу туралы

Қазақстан Республикасында барлық жұмыс берушілер қызметкерлермен еңбек шарттарын рәсімдеуге және олар туралы мәліметтерді Enbek.kz ақпараттық жүйесіне енгізуге міндетті. Бұл талап барлық қызметкерлерге, соның ішінде шетелдік азаматтар мен еңбек мигранттарына да қолданылады.

Қазақстан Республикасының Еңбек кодексіне сәйкес, еңбек қатынастары қызметкерді жұмысқа нақты жіберген сәттен бастап туындайды. Бұл ретте еңбек шартын жасасу міндетті, ал жұмыс беруші оны заңнамада белгіленген тәртіппен рәсімдеуге тиіс.

Enbek.kz жүйесінде еңбек шартын тіркеу еңбек қатынастарының ашықтығын қамтамасыз етеді, қызметкерлердің құқықтарын қорғайды және еңбек саласындағы мемлекеттік бақылауды күшейтеді.

Еңбек шарты туралы мәліметтердің Enbek.kz жүйесіне енгізілмеуі еңбек заңнамасының бұзылуы болып табылады және Қазақстан Республикасының заңнамасына сәйкес жауапкершілікке әкеп соғады.

Жұмыс берушілерді еңбек шарттарын уақтылы рәсімдеуге және заң талаптарын сақтауға шақырамыз.