ЖАҢА КОНСТИТУЦИЯ – ОРТАҚ ҚҰНДЫЛЫҚТАР МЕН ҚОҒАМДЫҚ КЕЛІСІМНІҢ НЕГІЗІ

Ұлытау облысы дін істері басқармасының басшысы Дулат Тулегенов өңірдегі діни бірлестіктерге арнайы барып, Қазақстан Республикасының жаңа Конституциясының даналарын табыстады. Кездесулер барысында жаңа Конституцияның еліміздің қоғамдық-саяси дамуындағы маңызы, адам құқықтары мен бостандықтарын қорғау, заң үстемдігін қамтамасыз ету, сондай-ақ қоғамдық келісім мен конфессияаралық татулықты нығайтудағы рөлі атап өтілді. 2026 жылғы 15 наурызда республикалық референдумда қабылданған Қазақстан Республикасының жаңа Конституциясы 1 шілдеден бастап күшіне енді. Діни бірлестіктердің өкілдері өңірдегі тұрақтылықты, өзара құрмет пен ынтымақтастықты сақтауға бағытталған бастаманың маңыздылығын атап өтті.