Ұлытау облысының Діни бірлестіктер клубы 2026 жылғы алғашқы отырысын өткізді.

Ұлытау облысында конфессияаралық диалогты, қоғамдық келісімді және сындарлы өзара іс-қимылды нығайтуға бағытталған Діни бірлестіктер клубының 2026 жылғы алғашқы отырысы өтті.

Кездесу барысында қатысушыларға Клубтың жаңа мүшесі әрі өңірдегі православ қауымының жаңа настоятелі —  Александр таныстырылды. Сонымен қатар, Клубтың 2026 жылға арналған негізгі жұмыс бағыттары қаралып, оның аясында ағартушылық, спорттық, мәдени және қайырымдылық іс-шараларын өткізу жоспарлары талқыланды.

Ұлытау облысының Дін істері басқармасының басшысы Дулат Тулегенов өз сөзінде заңнама талаптарын сақтау мәселелеріне ерекше назар аударып, кәмелетке толмағандардың заңды өкілдерінің еріп жүруінсіз және келісімінсіз діни жоралар мен іс-шараларға қатысуына жол бермеу қажеттігін атап өтті.

«Конфессияаралық диалог – терроризмге қарсы күрестің негізі» тақырыбында Клуб модераторы Дмитрий Сергеевич Полтаренко баяндама жасады.

Отырыс соңында диалог алаңы ұйымдастырылып, сондай-ақ Наурыз мерекесіне орай домбырашының өнер көрсетуімен және мерекелік дастарқанмен жалғасқан мәдени бағдарлама ұсынылды.