Қазақстан Республикасының Конституциясы күніне арналған үстел теннисінен турнир

28 тамыз күні «Жігер» спорт кешенінде Қазақстан Республикасы Конституциясы күніне арналған үстел теннисінен турнир өтті.

Жарыстың ашылу салтанатында Ұлытау облысы Дін істері басқармасының басшысы Дулат Төлегенов құттықтау сөз сөйлеп:
«Бүгін біз Конституция туралы айтқанда, ең алдымен конституциялық патриотизмді айтамыз. Ол – біздің Негізгі Заңымызға терең құрметпен қарау, оның қағидаттарына адал болу және мемлекетімізді бейбітшілік, келісім мен жасампаз еңбек арқылы нығайтуға дайын болу. Конституциялық патриотизм түрлі конфессиялар мен ұлт өкілдерін біріктіріп, баршамыздың ортақ елге тиесілі екенімізді сезіндіреді», – деп атап өтті.

Жарысқа Ұлытау облысының жергілікті діни және этномәдени бірлестіктер клубының өкілдері қатысты. Турнир қатысушыларды патриотизм, салауатты өмір салты және достық идеялары төңірегінде біріктірген жарқын оқиға болды. 

Негізгі жеңімпаздар:
1-орын – Ахмет Ишан Оразайұлы мешіті, Жүнүсбеков Сабыржан – диплом және 50 000 тг ақшалай сыйлық
2-орын – Ахмет Ишан Оразайұлы мешіті, Жұматаев Серік – диплом және 30 000 тг ақшалай сыйлық
 3-орын – Сәтбаев қаласындағы «Агапе» шіркеуі МРО, Габдрахманов Рашат – диплом және 20 000 тг ақшалай сыйлық

Жеке номинациялар:
«Ең әдемі ойын» – «Вифезда» шіркеуінің өкілі Сүлейменова Альмира
«Ең жас ойыншы» – Балмағанбет Балқыбайұлы мешітінің өкілі Жұмабек Сұлтан
«Ең жасы үлкен ойыншы» – Сәтбаев қаласындағы «Агапе» шіркеуінің өкілі Беркеев Балтабек
Естелік сыйлық – «Ассамблея жастары» ұйымының мүшесі Родион Хаджирадов

Бұл турнир тек спорттық жарыс қана емес, сонымен қатар конфессияаралық келісім мен бірлікті нығайтуға бағытталған маңызды шара болды.