Ұлытау облысында Меморандумға қол қойылды

Ұлытау облысында Меморандумға қол қойылды
2025 жылғы 25 шілде күні Ұлытау облысының кәсіпкерлер палатасы, Ұлытау облысы бойынша сауда және тұтынушылардың құқықтарын қорғау департаменті, «Халықаралық «ҚАЗАҚ ТІЛІ» қоғамы» қоғамдық бірлестігінің Ұлытау облыстық филиалы мен Ұлытау облысының мәдениет, тілдерді дамыту және архив ісі басқармасы арасындағы өзара ынтымақтастық туралы Меморандумға қол қойылды.
Ұлытау облысының мәдениет, тілдерді дамыту және архив ісі басқармасының басшысы Табылдин Мағжан Еренғайыпұлы бір тараптан, Ұлытау облысы кәсіпкерлер палатасының директорының құқықтық мәселелер жөніндегі орынбасары Ғалымжан Сүтбаев екінші тараптан, Ұлытау облысы бойынша сауда және тұтынушылардың құқықтарын қорғау департаментінің басшысының орынбасары Дәулетбаев Жасұлан үшінші тараптан және «Халықаралық «ҚАЗАҚ ТІЛІ» қоғамы» қоғамдық бірлестігінің Ұлытау облыстық филиалының төрағасы Үмбетова Базаркүл Сейітжанқызы төртінші тараптан Қазақстан Республикасының «Қазақстан Республикасындағы тiл туралы»,«Жарнама туралы», «Тұтынушылардың құқықтарын қорғау туралы» Заңдарын және Қазақстан Республикасының «Қазақстан Республикасының Кәсіпкерлік Кодексін», «Әкімшілік құқық бұзушылық туралы» Кодексін басшылыққа ала отырып, өзара ынтымақтастық туралы Меморандумға қол қойды.
Меморандумның мәні – Мемлекеттiк тiлдiң қолданылу аясын кеңейту, оның бәсекеге қабiлеттiлiгiн арттыру, қолданыстағы Қазақстан Республикасының тіл туралы заңнамасы талаптарының сақталуын қамтамасыз ету, ақпарат мәтіндерін дайындау ісінде әдістемелік көмек көрсету бағытында кәсіпкерлермен ынтымақтастықты дамыту.
Меморандум аясында Тараптар арасында өзара түсіністікке қол жеткізу, Қазақстан Республикасында тіл саясатын дамытудың 2023-2029 жылдарға арналған тұжырымдамасын іске асыру, қолданыстағы заңнамаға сәйкес әдістемелік көмек көрсету, көрнекі ақпарат (хабарландырулар, жарнама, прейскуранттар, баға көрсеткiштерi, ас мәзірлері, нұсқағыштар, фискалды чектер және басқа да көрнекi ақпарат) және жарнама саласындағы мәтін сауаттылығын сақтауда ынтымақтастықты қалыптастыру бағытында бірлескен іс-шараларды жүзеге асырады. Мемлекеттік тілде жасалған меморандум мерзімі 5 жыл.