Өскемен қалалық мәслихатының кезектен тыс сессиясында 2025-2027 жылдарға арналған қала бюджетіне өзгерістер енгізілді.

Жолдарды қиыршық тасты жөндеуге, көшелерді жарықтандыруға, ірі көлемді көшеттерді отырғызуға, жолдың жүріс бөлігін белгілеуге, ашық аялдама павильондарын орнатуға және жөндеуге, қоқыс жәшіктерін, шектегіштерді, парапеттерді бояуға, жол белгілерін орнатуға және қалпына келтіруге, көппәтерлі тұрғын үйлердің қасбеттерін ағымдағы жөндеуге қосымша қаражат бөлінді.

Сондай-ақ, депутаттық сауалдарды іске асыру мақсатында Физкультурный тұйық көшесін (Аблакетка ауданы), жол учаскелерін: № 8 мектептен Целинная көшесіне (Мирный ауданы), Заслонов көшесінен Больничная көшесіне (Аблакетка ауданы) дейін жарықтандыруға және Братская көшесінен Спасская көшесіне дейін Грейдерная көшесі бойынша (Защита ауданы) тротуарлар орнатуға қаражат қарастырылды.