Халықаралық қарттар күнімен құттықтаймыз!

Құрметті зейнеткерлер және қадірлі аға буын өкілдері!
​Сіздерді Халықаралық қарттар күнімен шын жүректен құттықтаймыз!
​Бұл мереке — Сіздердің көп жылғы адал еңбектеріңіз, өмірлік тәжірибелеріңіз және келер ұрпаққа берген ақыл-кеңестеріңіз үшін зор алғысымызды білдіруге тамаша мүмкіндік. Сіздердің төзімділіктеріңіз, өмірге деген оң көзқарастарыңыз және белсенді ұстанымдарыңыз біз үшін үлгі.
​Сіздер — қоғамымыздың алтын қазынасы, дәстүр мен рухани құндылықтардың сақтаушылары. Еліміздің, өңіріміздің және әр отбасының дамуына қосқан үлестеріңізді жоғары бағалаймын.
​Сіздерге зор денсаулық, қайратты рух, таусылмас күш-қуат, бақ-береке, бейбітшілік пен амандық тілейміз! Әр күндеріңіз жақындарыңыздың ыстық ықыласымен, мейірімімен және қамқорлығымен толсын!