Ауылдағы балалар ойын алаңдарына маниторинг жүргізілді

29 шілде күні Уәлиханов аудандық мәслихатының төрағасы Сапар Қапарұлы Сәниев Кішкенекөл ауылдық округінің әкімі Амангелді Төлегенұлы Қойшыбаевпен Уәлиханов ауданы әкімдігінің ішкі саясат, мәдениет және тілдерді дамыту бөлімінің басшысы Гүлнар Сағитқызы Аплесановамен және Уәлиханов ауданы Жастар ресурстық орталығының директоры Салтанат Сандыбайқызы Исинамен бірлесіп ауылдағы балалар ойын алаңдарының жағдайымен танысты.

Тексеру барысында жабдықтардың жай-күйіне, аумақтардың қауіпсіздігі мен абаттандыру мәселелеріне ерекше назар аударылды. Уәлиханов аудандық мәслихатының төрағасы ойын элементтерін уақтылы жаңарту, сондай-ақ іргелес аймақтарды абаттандыру қажеттігін атап өтті.

Мұндай жұмыстар балалардың демалуы мен дамуы үшін қолайлы және қауіпсіз жағдайларды қамтамасыз ете отырып, жергілікті жерлерде проблемаларды жедел анықтауға және шешуге мүмкіндік береді.