Қандастармен кездесу

«Қазақстан Республикасындағы Тіл туралы» Заң және Қазақстан Республикасында тіл саясатын дамытудың 2023–2029 жылдарға арналған тұжырымдамасы негізінде ауданда тұрып жатқан қандастармен тиісті жұмыстар жүргізілді.

Осылайша, ішкі саясат, мәдениет және тілдерді дамыту бөлімінің мамандары қоныс аударған тұрғындармен кездесіп, мемлекеттік тілді оқыту мүмкіндіктері туралы ақпарат берді.

Атап айтқанда, аудан деңгейінде қазақ тілін оқытуға бағытталған арнайы үйірме топтары мен оқу бағдарламалары таныстырылды. Сонымен қатар, тіл үйренуге қолайлы жағдай жасау және бейімдеу үдерісін жеңілдету мәселелері де назардан тыс қалмады.