🔰 ОРДАБАСЫ: ЕҢБЕК ҚАТЫНАСТАРЫ САЛАСЫНДАҒЫ ЖҰМЫС БЕРУШІЛЕРДІҢ МІНДЕТТЕРІ МЕН ЖАУАПКЕРШІЛІГІ ТҮСІНДІРІЛДІ

Түркістан облысы аумағында зейнетақы жарналары аударылмаған, жазатайым оқиғадан сақтандыру шартын жасамаған және еңбек шарттарын тіркемеген мекемелер бойынша және «D», «Е» санатындағы отбасыларды «С» деңгейіне көтеру мәселесі бойынша кездесу Ордабасы ауданында жалғасын тапты.

 

Кездесуге Ордабасы ауданы әкімінің аппарат басшысы Кадиев Жуманали Ыбыжанович, Департамент басшысының орынбасары Төлендиев Мұрат Сағынұлы, Түркістан облысының жұмыспен қамтуды үйлестіру және әлеуметтік бағдарламалар басқармасы басшысының орынбасары З.Кенжебаева, ауданға қарасты ауылдық окруктерінің әкімдері, мансап орталықтарының басшылары, тиісті мекеме басшылары мен өңірдегі кәсіпорын иелері және жұмыс берушілері қатысты.

 

Кездесу барысында жазатайым оқиғадан сақтандыру шарттарын рәсімдеу, еңбек шарттарын есепке алудың бірыңғай жүйесінде (ЕШЕАБЖ) еңбек шарттарын электронды түрде рәсімдеу тәртібі, міндетті төлемдерді уақытылы аудару, оның ішінде зейнетақы жарналарын аудару заңдылықтары талқыланды.