🔰 ТҰРҒЫНДАР ҮНІ – БАСТЫ НАЗАРДА: ОТЫРАРДА ҚОҒАМДЫҚ ҚАБЫЛДАУ ӨТТІ

Бүгін, Отырар ауданында тұрғындармен ашық диалог алаңын қалыптастыру мақсатында мобильді жеке қабылдау ұйымдастырылып, тұрғындардың өзекті мәселелері қаралды.

 

«AMANAT» партиясының кезектен тыс ХХІІ съезінде Мемлекет басшысы Қ.К.Тоқаевтың азаматтарды мобильді қабылдау, шалғай ауылдардың тұрғындарымен кездесулер өткізу туралы тапсырмасына сәйкес, «AMANAT» партиясы Түркістан облыстық филиалының ұйымдастыруымен Отырар ауданы Шәуілдір ауылдық округі Шәуілдір елді мекенінде азаматтарды қабылдау бойынша қоғамдық қабылдау өтті.

 

Мобильді қабылдауға Мемлекеттік еңбек инспекциясы комитеті Түркістан облысы бойынша департаментінің басшысы Әліш Амангелды Салхудинұлы қатысып, өңір тұрғындары тарапынан қойылған еңбек қауіпсіздігі, жұмыстан заңсыз босату, жалақы төлеу және еңбек қатынастары саласына қатысты өзге де өзекті мәселелер бойынша өтініштер айтылды. Әрбір сұрақ мұқият тыңдалып, еңбек заңнамасы аясында нақты түсіндірмелер берілді.

 

Мұндай қоғамдық қабылдаулар халықпен кері байланысты нығайтып, азаматтардың құқықтары мен заңды мүдделерін қорғауға бағытталған маңызды алаң болып табылады.