🔰 КЕЛЕС: ЖАЗАТАЙЫМ ЖАҒДАЙЛАРДАН САҚТАНДЫРУ – ЖҰМЫС БЕРУШІНІҢ МІНДЕТІ

Түркістан облысы аумағында қызметкерлерді еңбек қызметін атқару барысында орын алуы мүмкін жазатайым жағдайлардан қорғау мақсатында міндетті сақтандыру шарттарын жасасу мәселесіне ерекше көңіл бөлінуде.

 

Осыған байланысты бүгін Департаментпен бекітілген Түркістан облысында қызметкерлерді жазатайым жағдайлардан сақтандыру туралы "Мемлекеттік аннуитеттік компания" өмірді сақтандыру компаниясы" АҚ-ның өкілімен бірге түсіндірме жұмыстарын жүргізу» кестесіне сәйкес кездесу Келес ауданында да өткізілді.

 

Қазақстан Республикасының еңбек заңнамасына сәйкес, жұмыс берушілер қызметкерлерді еңбек (қызметтік) міндеттерін орындау кезінде жазатайым жағдайлардан міндетті сақтандыру шартын жасасуға міндетті. Бұл талап қызметкерлердің өмірі мен денсаулығын қорғауға, сондай-ақ еңбек барысында туындауы мүмкін тәуекелдерді азайтуға бағытталған.

 

Келес ауданында жүргізіліп жатқан түсіндіру жұмыстары мен бақылау шараларының нәтижесінде жұмыс берушілер арасында сақтандыру шарттарын уақтылы жасасу деңгейі артып келеді. Дегенмен, бұл бағыттағы жұмыстар жалғасуда.

 

Аталмыш кездесуге Департаменттің «Еңбек қауіпсіздігін бақылау және еңбекті қорғау бөлімінің» басшысы Сапарқұлов Ғалымжан, Келес ауданы әкімі аппараты басшысының м.у.а. Ибраимов Ерлан Жақсылықұлы, "Мемлекеттік аннуитеттік компания" ӨСК" АҚ-ның Шымкент қаласы және Түркістан облысындағы филиалдарының жауапты өкілі Абдуллаев Руслан Мұратұлы және Келес ауданына қарасты кәсіпорын иелері, жеке меншік мектеп және балабақша өкілдері қатысты.

 

Кездесу барысында қызметкерлерді еңбек міндеттерін орындау барысында туындауы мүмкін жазатайым оқиғалардан сақтандыру туралы Департаменттің бөлім басшысы Ғалымжан Сейдуәліұлы, "Мемлекеттік аннуитеттік компания" ӨСК" АҚ-ның Шымкент қаласы және Түркістан облысындағы филиалдарының жауапты өкілі Руслан Мұратұлы баяндама жасады.